مثال لشقة مساحتها 100 متر مربع
مسطحها هيكون حوالي 300الي 350 متر مربع حسب التقسيم المعماري
هتحتاج للطرطشة 1.5 متر مكعب رمل + 14 شيكارة اسمنت
الأوتار بتدخل معانا ضمنيا في حساب البياض
ملو الحوائط : بنقسم 300 علي 40 ، يعني الشقة هتحتاج7,5 الي 8,5 متر مكعب رمل + 45 الي 50 شيكارة اسمنت
الاجمالي المتوسط رمل واسمنت لشقة 100م٢
10 متر رمل و 3 طن أسمنت قابل للنقص والزيادة حسب الوضع القائم.
معدلات إنجاز هذا العمل كام يومية ؟؟؟
الطرطشة يومية و نص صنايعي بالمساعد
2 يومية أوتار ( صنايعي ومساعد )
صنايعي الملو بالمساعد بيفرد 30 متر مربع .. يعني الشقة هتحتاج 10 يوميات
طيب إيه الحاجات المهم حسابها و غالبا بتتنسي و بتكلفنا مصاريف
1 – تركيب شبك للفواصل بين الخرسانة و المباني لعدم حدوث شروخ نتيجة لفرق التمدد و الانكماش. .. بيتم وضع سلك بقلاوة أو شبك فيبر وده أنواع كتيرة ممكن يكون عرضه 10 سم أو 10سم أو 28 سم.
2 – لازم يتركب شبك ممدد بردوا أعلي أي مواسير كهرباء أو مواسير تكييف أو صرف تكييف
في شقة زي اللي معانا غالبا لفة كبيرة 200 متر طولي كافية جدا
3 – لازم تعمل حسابك في يومية مبيض محارة زيادة أيضا لتاميم الكسرات بجانب يومية تركيب الفواصل
4 – لازم تعمل حسابك أن فيه نسبة هالك ( المفروض لا تزيد عن 5 % ) من الخامات
5 – لابد من معالجة الطرطشة و البياض لمدة 3 أيام متتالية برش المياه بغزارة عليها
ودي كمان بتكلفك يوميات عامل للرش صباحا و مساءا
6 – يومية عامل لتنظيف الشقة قبل بدء البند و بعد الانتهاء منه
7 – بيتم خصم الفتحات من البياض الداخلي سواء الأبواب أو الشبابيك إلا إذا تم تأميمها مثلا في حالة أبواب جاهزة بتركب على المحارة مباشر فنحتاج نأمم الفتحات فبنخصم ناحية ونسيب ناحية.
و لا يتم خصم الفتحات لو البياض خارجي لكن يتم خصم نصف مساحة الفتحة اذا زادت عن 4 متر مربع
دي تقريبا أهم الحاجات اللي ممكن تحتاجها في بند بياض المحارة